شن مرتضى منصور رئيس الزمالك هجومًا جديدًا على اتحاد الكرة، منتقدًا أولاً عقوبات لجنة الانضباط بعد مباراة السوبر المصري في الإمارات.
وقال مراضى لبرنامج “زملكاوي” على قناة ناديه: “فيه عقوبات وقعت على شيكابالا وإمام عاشور وعبد الله جمعة وأحمد زاهر الإداري، ورئيس الزمالك المحترم غصب عنهم”.
وتساءل: “هي وقعت بناءً على إيه؟ لا عقوبة أو جريمة إلا بنص، قدامي لايحة الانضباط والأخلاق، ومفيش لايحة إلا بتعتمد من الجمعية العمومية، لايحة الزمالك مين اللي اعتمدها؟ الجمعية العمومية، وكذلك لايحة الأهلي، مفيش هنا ملوخية وطبيخ وبامية، هل يقدر مجلس إدارة أي نادٍ يعمل لايحة ويصدق عليها؟ غصب عنك يا عمرو يا جنايني بعلمك القانون”.
وأضاف: “المادة 39 صدق مجلس الإدارة على هذه اللائحة التي لم تعرض على الجمعية العمومية، يبقى ليس لها قيمة والقانون واضح، اللي ألفته وأنا عندي 24 سنة”.
وتابع: “العقوبات التي وقعت على الأهلي والزمالك لا قيمة لها، ولم تعرض على الجمعية العمومية أو تنشر في جريدة رسمية، وانتوا عملتوا مذبحة للأهلي والزمالك، وولعتوا البلد، وعملتوا احتقان، ودبحت لعيبة في الأهلي والزمالك”.
وقال رئيس الزمالك إن أعضاء اتحاد الكرة يتقاضون 5 آلاف دولار شهريا، وتحدى لو أن أحدًا يكذبه، مضيفًا: “بقول للجنايني اطلع رد عليا في قناة الزمالك”.
رفضت سير الأتوبيس عكس
وعن انسحاب الزمالك أمام الأهلي، يوم الاثنين الماضي في مباراة القمة 119، قال مرتضى: “هو انت عملت تحقيق وسألتني ما وصلتش الملعب ليه، إفرض الأتوبيس كان دخل في عمود نور والعيال حصل لها حاجة، قبل ما تسأل عن مصير الأتوبيس بتعاقبني، إنت بتعبث بأمن البلد وبتلعب بالنار”.
وأضاف: “انت أجلت 3 مباريات في اليوم ده لأندية بتلعب في الدرجة التانية، واللايحة بتقول الماتش 7 ونص، والأهلي وصل 7 وربع، والأهلي وصل عكس الطريق وخالف وارتكب جناية وكان ممكن يموت حد، وانا مش مخالف ومش هعمل كده. اللايحة تلت ساعة ولو مجاش الفريق يعتبر منسحب، حضرتك إديت ساعة ليه؟ ومين اللي كلم الحكم في التليفون؟ هو احنا بنلعب على قهوة”.
مباراة القمة هتتعاد غصب عن الجنايني
وعن مباراة الترجي قال: “جميع التذاكر نفدت، ومش عايز خروج عن النص في المباراة، ومتخرجوش اللعيبة عن تركيزهم في مباراة الترجي، وانا ليا حساب مع عمرو الجنايني ولجنته بس اوعوا تخرجوا عن النص”.
وقال لجماهير الزمالك: “عندنا مباراة مهمة يوم الجمعة وان شاء الله نكسب، والأهلي برضه يارب يكسب صن داونز، ومعنديش معاه مشكلة، ومشكلتي مع اللي بيتطاولوا، وجمهور الأهلي محترم”.
وتوعد مرتضى مسئولي اتحاد الكرة بعدم السكوت على ما حدث بشأن مباراة القمة ضد الأهلي، بعد العقوبات التي تم توقيعها على ناديه من قبل اتحاد الكرة، وخصم 3 نقاط من رصيده، وتغريمه 200 ألف جنيه. وقال: “لو مارجعتش مباراة القمة وعدتها هعتزل ومش هشتغل محاماة تاني”
ووجه حديثه مرة ثانية إلى عمرو الجنايني رئيس اتحاد الكرة قائلاً: “مش عملت اللي انت عايزه، أنا مش هسكت، والمباراة هتتعاد غصب عنك”.
