تركي يضرب عضو الأهلي بقسوة: “إنت ناجح بفلوسي يا بتاع بابي ومامي

جدد المستشار الملكي تركي آل الشيخ رئيس هيئة الترفيه العامة بالسعودية هجومه علي محمد سراج عضو مجلس إدارة النادي الأهلي.

وبدأت حرب “بوستات الفيس بوك” بين محمد سراج الدين وتركي آل الشيخ، بمنشور غامض كتبه المستشار السعودي ضد القلعة الحمراء، ليرد عضو مجلس إدارة الأهلي بأن هناك فيروسين متوغلان في الكرة المصرية، وعلاجهما عند الدولة”.

وكتب تركي عبر صفحته بـ “فيس بوك”: “أرجع أسأل هو إنت مين عشان أكسر عينك؟ ملكش أي قيمة، وبعدين إذا أنا بحب الشو على كلامك، على الأقل بدفع حق الشو اللي بعمله”.

وأضاف: “مش زيك هارينا بابي ومامي وفي الآخر ناجح بفلوسي أنا ودعمي أنا.. متعملش فيها راجل وبتاع كرامة وإنت أساسًا الكرامة دي متعرفهاش إلا في بوست فيس”.

وتابع: “وبعدين أنا مش حشتم في أبوك المحترم اللي للأسف معرفش يربيك، ولا أجيب سيرة أرض الطوب الرملي في الواحة في مدينة نصر، وبقية الأراضي، والشيك اللي بـ10ملايين جنيه بدون رصيد، لإن كده حيزعل منك بابي”.

وواصل هجومه على عضو الأهلي، قائلًا: “لو عندك كرامة يا أبو كرامة يا أهبل كنت اتصرفت، وأنا مرتين أرمي الاستقالة في وشك ومتقبلوهاش”.

واختتم: “واستقالة بين السطور فيها إنه ميشرفنيش أكون رئيس للنادي الأهلي العظيم اللي بحبه وبحب جمهوره وفيه (هلفوت) في مجلس الإدارة زيك، بتاع بابي ومامي.. دي آخر مرة أنزل لمستواك وأرد عليك ببوست.. فاهمني”.

http://65.21.81.194/~sports/%d8%b9%d8%b6%d9%88-%d9%85%d8%ac%d9%84%d8%b3-%d8%a7%d9%84%d8%a3%d9%87%d9%84%d9%8a-%d9%8a%d8%b1%d8%af-%d8%b9%d9%84%d9%89-%d8%aa%d8%b1%d9%83%d9%8a-%d8%a7%d9%86%d8%aa-%d8%ac%d8%a7%d9%87%d9%84-%d9%88/