فتح محمد سراج الدين، عضو مجلس إدارة النادي الأهلي، النار على المستشار تركي آل الشيخ، رئيس هيئة الترفيه بالسعودية.
في البداية نشر محمد سراج الدين على حسابه بـ”فيس بوك”: “بعيد عن الكورونا، ربنا يحفظنا ويسلمنا منها جميعاً، فيه فيروس عجوز موجود من زمان في قطاع الرياضة في مصر”.
وأضاف: “وفيه فيروس تاني، عيّل لسّه مستجد من الخارج، الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر”.
وتابع: “أنا واحد ما ارضاش بإحداث أي نوع من أنواع الفتنة بينهم بأي شكل من الأشكال.. إحنا في النهاية ولاد بلد واحدة، نختلف آه نهزر مع بعض آه لكن تطاول وأذى ده منبوذ ومرفوض بالنسبالي من الجانبين”.
واعتبر المستشار السعودي آل الشيخ أن ما كتبه سراج الدين يمسه شخصيًا، فرد على حسابه بـ “فيس بوك” قائلاً: “هوا مين الهلفوت ده محمد سراج الدين؟ إيه موقعك من الإعراب بس قبل ما ارد عليك يا هلفوت؟”.
وما كان من سراج الدين إلا أن يفتح النار ويشدد هجومه على آل الشيخ قائلاً: “هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي، وهو لواء مدفعية سابق في الجيش المصري، بس افتكر إنه كان علمني كمان إن الكرامة دي أعلى وأهم صفات الإنسان، وإن عمري ما اقبل أي تجاوز في حقي”.
وأضاف: “أنا بشفق عليك حقيقي لأنك ملقتش حد يربيك تربية سوية، أو يعلمك إن مش كل حاجة المظاهر والشو، والهبل اللي بتعمله ده اللي خلاك مسخة أمام العالم كله.. فيه قيم ومعاني وأصول أهم وأسمى من كده بكتير، بس انت معذور متعرفهاش.. بحمد ربنا إني اتربيت كده، وانا مش بشوفك يا تركي آل شيخ من أول يوم غير واحد ناقص وجاهل، وهفضل اشوفك كده على طول”.
واختتم: “وعلى فكرة إنت مش كاسر عيني، وانت عارف كده كويس، ولا عمرك هتقدر في أحلامك حتى تكسرها، ولا انت ولا أتخن تخين”.
http://65.21.81.194/~sports/%d8%ad%d8%ac%d8%a7%d8%b2%d9%8a-%d9%88%d8%b9%d8%a7%d8%b4%d9%88%d8%b1-%d8%b3%d8%a8%d8%a8-%d8%a7%d9%84%d8%ae%d9%84%d8%a7%d9%81-%d8%a7%d9%84%d8%ac%d8%af%d9%8a%d8%af-%d8%a8%d9%8a%d9%86-%d8%a7%d9%84%d8%a3/
