محمد شريف: الجنيه في الأهلي احسن من عشرة برا.. وفضلت إنبي عن باقي العروض
صرح محمد شريف لاعب الفريق الأول لكرة القدم بالنادي الأهلي مع الإعلامي أحمد شوبير في برنامجه “ملعب أون تايم” عبر قناة أون تايم سبورت عن أهمية الوجود داخل القلعة الحمراء على الأموال وعن تفضيله عرض إنبي رغم العروض الأخري.
وقال شريف : “الجنيه في الأهلي أحسن من عشرة بره، ده الرد الصح على أي حد يفكر يسيب الأهلي علشان الفلوس، دلوقتي لما أنا أبطل كورة وأن لاعب النادي الأهلي هبقى عملت إسم أعيش عليه لكن لو بطلت بره محدش هيفتكرني أساسََا”.
وأشار لاعب الأهلي : “فضلت التواجد في إنبي رغم وجود عروض أخرى من أندية كتير زي الإسماعيلي ودجلة والإتحاد المقاولون وسموحة، بحب ألعب في الـ 3 أماكن اللي قدام وينج يمين أو شمال أو مهاجم، مركز رقم 10 ماجربتهوش قبل كده”.
وشدد محمد شريف خلال تصريحاته : “قررت الرحيل عن الأهلي والخروج إعارة لإني بحب ألعب ومستر لاسارتي كان على غير إقتناع بيا، بعدها أسبوع مشى مازعلتش على رحيلي وكان خير ليا إن قدمت موسم كبير مع إنبي ظهرت بشكل كويس أهلني للعودة مرة تانية للأهلي”.
