نشر لاعب المغربي إسماعيل الحداد لاعب الوداد البيضاوي، رسالة مؤثرة عبر حسابه بموقه التواصل الاجتماعي “انستجرام”، ودع من خلالها كل الجماهير الودادية.
ووجه الحداد بالشكر لكل مكونات النادي الودادي على السنوات التي قضاها بين الفريق الاحمر، وجات الرسالة كما يلي :
“ماغاديش نكتب باش نْودّعكُم، وماغاديش نحاول نْقنعكُم بأنني مْشيت، حيث الوداد توْلدات مْعَيا، وواخا بْدِيت بعيد عليها.. بشعارها تْغطّيت، وضْحّيت بأمور كثيرة باش نوصل ليها ونهزّ التوني، ونْعرّقو.
فالكرة تقدر تدّي ألقاب فأي فريق، ولكن مع الوداد كانت حلاوتهم خاصة حيث خديتهم مع الفرقة لي كانبغيها.
كُلّها لحظات دازت وغتبقا فالتاريخ، يفتاخرو بها ولادي؛ وباش تحسّ بدكشي لي حسّيت، خاصك تكون ودادي ويجري فدْمّك هاد اللون.
بغيت نشكر الدراري كُلّهم لي عاونوني بدون استثناء، ولي عشت معهم سنوات زوينة بالحْلوّة والمُرّة. كنت كنقول عمرني نلقى بحال المجموعة ديال حسنية أكادير، ولكن فالوداد لقيت عائلتي. كنبغي نشكر بزاف السعيدي ونصير والكرتي والنقاش والتاغناوتي، اللي من أحسن “لي كابيتان” لي دازو فالوداد.
كانشكر الرئيس سعيد الناصيري، لي عاملني 6 سنوات بحال وْلْدُو، وعمرني سمعت منو كلمة ناقصة، ولي كانعتابرو في مثابة أب كنحتارمو ونقدرو بزاف.
كانشكر بزااف جمهور الوداد الرياضي لي أنا منّهم، ولي بْفَضلهُم وبسباب انتقاداتهم وغِيرْتهم قْدْرت نزيد فالخدمة ونْطَوّر راسي أكثر، وعشت معهم أفضل لحظات مساري الكروي لحد الساعة.
دائما كنت كناخذ الانتقادات من الجانب الإيجابي، وكنت متأكد أن الجمهور كايضغط حيث عارف المستوى الحقيقي ديالي وأنني نقدر نعطي كثر.
جا الوقت لي نحطّ فيه التّوني لي عطاني كثر ما عطيتو، ونطلب السّماحة من أي فرد من جمهور الوداد شاف أنني قصرت أو ماقدرتش نفرحوا فشي ماتش.
غادي نمشي وماكنْتْسَال الوداد والو.. بل بالعكس، كل ما وصلت ليه اليوم بفضلها. حُبّ الناس ليا هو الدّين لي صعيب نْخلّصو ليهم.
غادي ناخد تجربة جديدة بعيد على الوداد بالجسد، لكن القلب والرّوح غيبقا ودادي.
كنبغيكم”
جدير بالذكر ان اسماعيل الحداد تعاقد مع فريق الخور القطري ، وذلك بومجب بعقد يمتد لثلاث سنوات.
كتبت: نجاة الكبيري.
