كتب: محمود دياب
علق أحمد سمير فرج لاعب الإسماعيلي السابق عن الأنباء المنتشرة بشأن دخول أمير توفيق، مدير التعاقدات بالنادي الأهلي، مع أحمد السيد زيزو لاعب الزمالك.
وكتب أحمد سمير فرج عبر حسابه على “فيس بوك”: “بصرف النظر إن زيزو من أجمد اللاعيبه فى مصر ما شاء الله.. بس هو أمير توفيق مش قادر يخلي حد من صحابه وأصحاب زيزو ياخد رأيه في الانتقال للأهلي، وكمان أمير مستحيل يكلمه على طول من غير ما يخلي حد يعرفه الأول”.
وأضاف فرج: “بس اللي هيموتني إن الناس كلها عرفت قال إيه في المكالمة وقفل السكة في وشه ومدة المكالمة”.
واختم قائلاً: “سيناريو أصغر عيل صغير ميصدقوش وأصلاً ده محصلش، ده لو نادي درجة رابعة هيخلي أي وكيل يكلمه على إنه من طرف النادي الأهلي، ده لو افترضنا إن الأهلى عايزه فعلاً.. كل ده ملوش علاقه بإن زيزو من أفضل اللاعيبه في مصر حالياً”.
وكان أشرف قاسم، عضو لجنة الكرة بالزمالك، تحدث عن تمسك أحمد سيد زيزو بالاستمرار مع الزمالك، موضحاً: “عبد الحليم علي (مدير الكرة بالزمالك) تواصل مع زيزو، وأكد له اللاعب على أنه في مسقط رأسه للاطمئنان على والده، ولم يتحدث مع أحد بشأن مصيره مع الزمالك أو الدخول في أي مفاوضات مع أندية أخرى؛ وتمسكه بالاستمرار مع النادي”.
