صرح اللاعب عمرو السولية لاعب وسط الفريق الأول في النادي الأهلي وفتح قلبه لبرنامج ” البيت الكبير” مع هاني رمزي و سهام صلاح في أولى حلقات البرنامج الذى يبث عبر قناة الأهلى بعد التجديد، وأعرب عن سعادته بعودة القناة وإقتراب عودة الدوري المصري والعودة للملاعب مرة آخرى بعد التوقف الذى إستمر قرابة الأربعة أشهر الماضية بسبب فيروس كورونا.
حيث قيل على لسان اللاعب ” احنا بناخد الماتش بماتشه، لسة محسمناش الدوري ولسة في الملعب، لو فكرنا بالطريقة دي هنخسر كل حاجة، السنة اللي فاتت كان الزمالك متصدر وفكروا نفسهم خدوا الدوري لكن احنا اجتهدنا ورجعنا، لما بعد اخر ماتش نتوج باللقب نبقي نقول خدنا الدوري”.
وأكمل السولية عن التدريبات أثناء التوقف” اخر فترة صعبة علي مصر كلها وأثرت علينا كلنا مش اللاعيبة بس لكن كله، الجهاز الفني كان بيتابع التدريبات اليومية اللي بنجريها في البيت ونظام الاكل، قبل كورونا كنت الحمد لله كويس وكنت بشتغل علي الحاجات اللي ناقصاني بمساعدة فايلر”.
وأضاف مازحاً “جونيور أجاي أول ما بيشوف الناس اللي جاية تعمل المسحة بيخاف ووشه بيحمر”.
